Kuningaimänd Elizabeth II
_(cropped)_(3-to-4_aspect_ratio).jpg)
Elizabeth II (Elizabeth Alexandra Mary Windsor; sündünüq 21. mahlakuu pääväl 1926, koolnuq 8. süküskuu pääväl 2022[1]) oll' Suurbritannia ja Põh'a-Iiri Ütistedü Kuningriigi, Kanada, Austraalia, Vahtsõ Meremaa, Jamaica, Bahama, Grenada, Paapua Vahtsõ Guinea, Saalomoni Saari, Tuvalu, Saint Lucia, Saint Vincenti ja Grenadiine, Antigua ja Barbuda, Belize'i ni Saint Kittsi ja Nevise kuningaimänd.
Tä oll' ainugõnõ monark maailman, kiä oll' samal aol rohkõmb ku üte esiqsaisja riigi pää. 15 riigin, mink riigipää Elizabeth II oll', elli tuud aigu kokko nii 128 mill'onat inemist.
Tä saiõ kuningaimändäs 6. radokuu pääväl 1952 päält uma esä, kuning Georg VI, kuulmist, ollõn samal aol uma tõsõpoolõga Keeniän. Ammõtlik kruuni päähä pandminõ oll' 2. piimäkuu pääväl 1953 Westminster Abbeyn.
9. süküskuu pääväl 2015 saiõ timäst kõgõ kavvõmb pukin olnuq monark Ütiskuningriigi aoluun (63 aastakka, 7 kuud, 2 päivä). 2017. aastagast oll' tä maailma kõgõ vanõmb riigipää.
Elizabeth II oll' Inglüsmaa Kerigu pää.
2006. aastagal käve kuningaimänd Eestin[2].
Kuningaimänd kuuli 8. süküskuu pääväl 2022, mõni tunn' inne tuud anniq Ütiskuningriigi välläandõq teedäq, et tohtriq ommaq timä tervüse peräst murrõn. Kats päivä inne kuulmist pand' Elizabeth II ammõtihe Ütiskuningiigi vahtsõ pääministri Trussi Lizi.[3]
Pääle timä kuulmist läts käüki opõratsiuun London Bridge.
Lätteq
[toimõndaq | toimõndaq lätteteksti]- ↑ Buckinghami palee and teedäq: Kuningaimänd Elizabeth II om koolnuq. BBC News 08.09.2022. Pruugit 08.09.2022. (inglüse keelen)
- ↑ Üüpäiv Tal'nan: Raatusõ platsi pääl tervütiq kuningaimändät tuhandõq laulvaq inemiseq. Maaleht 08.09.2022. Pruugit 08.09.2022. (inglüse keelen)
- ↑ Kuningaimänd Elizabeth II saiõ vahtsõ pääministri Trussi Lizi. New My Royals 06.09.2022. Pruugit 08.09.2022. (inglüse keelen)