Edisoni Thomas

Läteq: Wikipedia
Edisoni Thomas

Thomas Alva Edison


Edisoni Thomas
Sündünüq11. radokuu päiv 1847
Milan, Ohio, Ameeriga Ütisriigiq
Koolnuq18. rehekuu päiv 1931
West Orange, New Jersey, Ameeriga Ütisriigiq
Ammõtvällälöüdjä ja ärimiis
Näüdüs:En A Day with Thomas Edison (1922)

Edisoni Thomas (Thomas Alva Edison, 1847-1931) oll' ameeriga vällälöüdjä ja ärimiis, kiä mõtõl' vällä pall'oq riistaq, miä ommaq s'ood ilmaello kõvva mõotanuq, muuhulgan fonograafi ja pikä eloiäga praktilidsõ eelektripirni.

Edison om üts kõgõ viläkamp vällälöüdjä kõgõn ilman, timä käen om 1093 USA patenti nink pääle tuu viil pall'o patente Ütiskuningriigin, Prantsusmaal ja S'aksamaal. Tä om vällä märknüq pall'o asjo telekommunikats'oonin, tuu tulõ tuust, et tä alost' umma karjääri telegraafiopõraadori ammõtin. Edison lõi edimädse eelektrijaama, miä naas' vuulu andma elämiisile, ärele ja vabrikilõ - tuu oll' muudsa ilma jaos väega suur samm edesi. Timä edimäne eelektrijaam oll' Manhattani saarõ pääl New Yorgin.