David Bowie

David Bowie (/ˈboʊi/.) (kodanigunimi David Robert Jones, sündünüq 8. vahtsõaastakuu pääväl 1947, koolnuq 10. vahtsõaastakuu pääväl 2016) oll’ briti laulja ja näütelejä.

Bowie muusigakarjäär naas' pääle 1960. aastil. Timä edimädses hitis sai “Space Oddity” (1969), miä kõnõlõs ilmaruumilindajast. Album "Let's Dance" (1972) nõst' timä jo ilmakuulsas tähes. Bowie pidi 2003. aastagast muusiga välläandmisõga vaiht, aq and' mõni inne kuulmist vällä viil kats albummi: "The Next Day" (2013) ja "Blackstar" (2016).

Bowie oll' 1970. aastil glam roki iihnkäüjit ja timä muusiga om popkultuuri väega kõvva mõotanuq, timmä peetäs 20. aastagasaa ütes tähtsämbäs muusigamehes.

Bowie' popimbaq lauluq ommaq näütüses ”Space Oddity”, ”Life On Mars?”, ”Changes”, ”Starman”, ”Fame”, "Heroes”, ”Ashes to Ashes” ja ”Let’s Dance”.

Varahanõ elo

David Robert Jones sündü 1947. aastaga vahtsõaastakuun Brixtonin, Londoni tüülisliinaosan. Imä Margaret Burns vai Peggy, nigu timmä kutsuti, oll' tüün kinomajan. Esä Heywood Jones, kedä kutsuti John, oll' latsikodo finantsõ kogoja. Johnil oll’ edimädsest abielost tütär ja Peggyl varatsõmbast aost poig Terry, kiä oll’ Davidist ütesä aastakka vanõmb.

1966. aastagal võtsõ David Jones hindäle Bowie väidse perrä nimes David Bowie.

Albumiq

• David Bowie (1967)
• Space Oddity (1969)
• The Man Who Sold the World (1970)
• Hunky Dory (1971)
• The Rise and Fall of Ziggy Stardust and the Spiders from Mars (1972)
• Aladdin Sane (1973)
• Pin Ups (1973)
• Diamond Dogs (1974)
• Young Americans (1975)
• Station to Station (1976)
• Low (1977)
• ”Heroes” (1977)
• Lodger (1979)

• Scary Monsters (and Super Creeps) (1980)
• Let's Dance (1983)
• Tonight (1984)
• Never Let Me Down (1987)
• Black Tie White Noise (1993)
• The Buddha of Suburbia (1993)
• Outside (1995)
• Earthling (1997)
• ’Hours...’ (1999)
• Heathen (2002)
• Reality (2003)
• The Next Day (2013)
• Blackstar (2016)

Välälingiq

David Bowie' kodoleht (inglüse keelen)