Bohemian Rhapsody
Seo artikli kõnõlõs ansambli Queen singlist. Bohemian Rhapsody om ka 2018. aastaga filmi nimi.
"Bohemian Rhapsody" om ansambli Queen singli, mink kirot' Mercury Freddie ansambli 1975. aastaga albumi "A Night at the Opera" (võro keeli "Üü oopõrin") jaos. Laul om kuus minotit pikk ja esiqeräligult ei olõq sääl kõrdussalmi, a hoobis mitu esiqsugumast ossa: intro, ballaad, oopõriosa, hard rock ja tasalik lõpp. "Bohemian Rhapsody" om üts' vähätsit laulõ 70. aastidõ progrõssiivsõ roki aost, mink osas sai ilmadu suur kuulsus.
Säädüng[toimõndaq | toimõndaq lätteteksti]
"Bohemian Rhapsody" naas' pääle introga, mink perän tulõ klavõriballaad. Kitrasoolo juhatas sisse oopõriosa, päält tuud tulõ hard rock, laulõ lõpp om tasalik. Laulun pruugitas mitund helürita: B♭duur, E♭duur, A duur ja F duur, taktimõõt om inämbüisi . Stiili-, tooni- ja tempomuutusõq olõ-õiq popp- ja rokkmuusigan nii hariliguq, a progrõsiivsõn rokin külq.
