Arotus:Veenüs

Võro keeleh võisiq vaest ollaq Veenüs, ma olõ tedä külh nii pruuknu, um nigu parõmb üteldäq.--Võrok 7. radokuu 2009, kell 19:40 (UTC)

Määntseq nuuq põhimõttõq ommavaq? Ku Rooma jumalanna nimi om Venus, sõs ilmselt tulõ võro keeleh kah tuud nii pruuki. Ku tuu nimi pandas määntselegi as'alõ (nt. hod'otähele), kas sõs tulõ tedä mugandadaq? Kui jah, sõs piässi olõma Neptün ja Jupitõr kah. --Valdis 8. radokuu 2009, kell 09:00 (UTC)

Egaq taivakihhi nimmi võro keeleh kirotamisõs eräle alossäädüisi olõki-i viil määntsitki tett. Ummaq võõridõsõnno umaq ja midägi kotusõnimmi jaos. Noidõ perrä piäsiq tunnõtumbaq nimeq vabahelükokkokõla pääle mugandama ja kavvõmbaq-võõrambaq originaali vai eesti keeleh tunnõtuhe kiräpilti jätmä. Koh tuu piir naidõ tunnõtumpi ja veidemb tunnõtuisi vaihõl lätt, tuud olõ-i paika pant, kuiki tuud olõmi külh kunagi kas riike vai pääliinu man vai kohki innemb ka arotanuq.

Venusõl olnuq tuu peris algkiräkujo jah Venus, eesti mugandus Veenus, võro mugandus Veenüs vai ka Veenus (sammamuudu ku eesti keeleh) (vinne mugandus Venera jne, jne).

e um helüoppusõh külh edepoolinõ vabahelü, a siski veerepääline, sääne miä um jo pia keskvabahelü, midä tä näütüses soomõ keeleh umgi. A keskvabahelü või võttaq, olõnõvalt sõnast, kas ede- vai tagapoolitsit lõppõ taadõ. Tuuperäst pidänüq iks ekä võõrast sõnna vai nimme kaema, kas tä sünnüs parõmbahe ede- vai tagapoolitsõs sõnas. Belgiä ja Indoneesiä tüüpi nimeq ummaq meil tettüq edepoolitsis ja ma arva, et õigõhe. Võõrist sõnost samal aol teema ja ministeerium piäsiq või-ollaq siski jäämä tagapoolidsõ lõpuga, kuiki vaihõpääl um ka naid kirotõt tävveliste edepoolitsõhe - teemä ja ministeeriüm. Naaq ummaq sääntseq kahtligadsõq ja veerepäälidseq, sammamuudu ku Veenus/Veenüs ja Jupiter/Jupitõr (nigu ka kallendri/kallõndri). Mullõ hindäle tunnus, et Veenüs sünnüs kõgõ parõmbahe edepoolitsõs, Jupitõr sünnüs kah viil küländ häste vabahelükokkola ala (tagapoolitsõs), a Neptün ei lääq kuikimuudu - tuu pidänüq jäämä kokkokõla alt vällä - Neptun. Tõõnõ võimalus um jah tuu, et jättäq terveq taa rida veidemb mugandõdus, nigu parhilla saigi: Veenus, Jupiter, Neptun - tuu um kah peris hää. Või-ollaq tuu umgi kõgõ kimmämb. Märgimi tuud viil! --Võrok 9. radokuu 2009, kell 07:55 (UTC)