Arotus:Eesti kiil

Keeletiidüs olõ-iq joht muq eriala, agaq sõski om kangõ tahtminõ uma ull' sõna sekkä üteldäq. Põrõhõllatsõq eesti keele ja lõunaeesti keele vai võro keele definitsiooniq andvaq automaatsõlt korgõmba positsiooni eesti keelele. Muq meelest nimetiväq muistidsõq ugalasõq kah umma kiilt maakeeles, nii et ku pandaq võrdusmärk' eesti kiil'=maakiil', sõs tulõ automaatsõlt vällä, et võro kiil' om kah eesti kiil'. Mullõ miildüs mõtõldaq, et eesti kiil'=põh'aeesti kiil'. Tõsõst külest võro kiil' om defineerit ku Eesti regionaal'kiil'. Tuu loogika perrä pidänü ütlemä, et nt. udmurdi kiil' om Vinnemaa regionaal'kiil'. Mille es võinuq üteldäq, et lõunaeesti (vai võro) kiil' om soomõ-ugri kiili õdagumeresoomõ lõunarühmä kiil'? --Valdis 16:37, 2 March 2006 (UTC)

Õigus, jäti maakeele tah mängost vällä ja kobõndi võro keele artiklit.--Võrok 22:52, 2 March 2006 (UTC)

Maakiil' olnuq kah jälki hää mõistõq. Esiqasi kuis tedä pidänü definiir'mä. Kas maakeeleq = eesti ja lõunaeesti (ja liivi ja vad'a) kiil'? Vai maakeeleq = saarõ ja järva ja mulgi jne keeleq? Vai maakeeleq = kõik maailma keeleq, minka kõnõlõjaq umma kiilt nii nimetäseq? Hää olnuq näütüses üteldäq, et "Tarto Ma-Rahwa Näddali Leht" oll' edimäne maakeeline aoleht' mõtõldõh tuuga, et tuul aol eestikeelist lehte viil es olõq. --Valdis 08:19, 3 March 2006 (UTC)