Arctic Monkeys
Arctic Monkeys om inglüse rokkansambli, miä tull' kokko 2002. aastagal Sheffieldin. Sinnäq kuulusõq Turneri Alex (laul, kitra), Heldersi Matt (trummiq, laul), Cooki Jamie (kitra) ni O’Malley'i Nick (basskitra, põh'alaulminõ).
Ansambli om vällä andnuq säidse albummi: Whatever People Say I Am, That’s What I’m Not (2006), Favourite Worst Nightmare (2007), Humbug (2009), Suck It and See (2011), AM (2013), Tranquility Base Hotel & Casino (2018), The Car (2022).
Arctic Monkeys oll' üts edimäisi ansambliid, miä sai inemiisile tutvas internetilde ja näid om peet näüdüses, kuis vahtsit ansambliid võinuq reklaamiq.[1] Näide edimäne album Whatever People Say I Am, That’s What I’m Not (2006) oll' Ütiskuningriigin pikält kõgõ kipõmbalõ möönüq album ja taast om kõnõld ku ütest kõgõ parõmbast ansambliidõ edimädsest albumist. Aastagal 2013 muusigaaokiri Rolling Stone nimmas seo kõgõ ao 30. edimädses albumis.
Näide popimbaq lauluq ommaq ”I Bet You Look Good on the Dancefloor”, ”505” ja ”Do I Wanna Know?”.
Albomiq[toimõndaq | toimõndaq lätteteksti]
- Whatever People Say I Am, That's What I'm Not (2006)
- Favourite Worst Nightmare (2007)
- Humbug (2009)
- Suck It and See (2011)
- AM (2013)
- Tranquility Base Hotel & Casino (2018)
- The Car (2022)
Lätteq[toimõndaq | toimõndaq lätteteksti]
- ↑ Bartoni Laura: "The question: Have the Arctic Monkeys changed the music business?". The Guardian 25.10.2005. London. Pruugit 23.10.2022. (inglüse keelen)