Mitte midägi miiq kotsilõ ilma meildäq

"Mitte midägi miiq kotsilõ ilma meildäq" (ladina keelen: Nihil de nobis, sine nobis) om ütelüs vai lõugahus, miä kand mõtõt, et kiäki es tohtnuq tetäq poliitiliidsi otsussit, ilma et tuust otsussõst pututõduq rühmäq saanuq otsustamisõst tävveligult ja õkva ossa võttaq.

Täämbädsel pääväl ommaq seo põhimõttõ ala hariligult haarõduq hinnäst rahvusõ, tervüsevia vai muu tunnusõ perrä määräjäq rühmäq, miä ommaq sakõstõ kõrvalõ tougaduq poliitiliidsi, ütiskundliidsi ja majandusliidsi võimaluisi mant.

Aolugu

Seo ütlemise juurõq omma Kesk-Euruupa poliitigatraditsioonin, Poola 1505. aastaga säädüisin ja inne Tõist ilmasõta Müncheni lepingun, ku tuu allkirästedi ilma Tsehhoslovakkialda, midä leping putut'. Seo om olnuq pikält ka põhimõtõq Ungari ja Poola säädüisin ja väläpoliitikan.