Lehm
Läteq: Wikipedia
Lehm om kodoelläi, imäne tõbras. Lehmi peetäs inämbüisi tuu jaos, et piimä saiaq.
[toimõndaq] Lehmi nimeq Võromaal
Vanast panti Võromaal lehmile sääntsit nimmi: Maasik, Mooni, Roosi, Palmi, Lehvi, Lehik, Milla, Mausi, Kellu, Pühik, Mustik, Maas'o, Eesik, Tõõsik, Haavik, Kirsi, Juta, Luutsi, Toomi, Maara. Kiriväq lehmäq olliq inämbüisi Kiräseq.
Nime pandmisõ man võidi rehkendäq nädälipääväga, kuna lehm sündü.
- Iispäiv - Eesik
- Tõõsõpäiv - Tõõsik
- Kolmapäiv - Kolmik
- Neläpäiv - Nelli, Nellik
- Riidi - Reedi, Reedik
- Puulpäiv - Poolik
- Pühäpäiv - Pühik, Püühik
Ku Eesik, Tõõsik vai nii edesi oll' kar'an joba olõman, võidi iispäävä sündünüle vas'kalõ pandaq mõni tõnõ nimi E tähe päält, tõõsõpäävä sündünüle T tähe päält jne. Edimädse Eesti aigu lehmile inemiisi nimmi es pandaq. Kolhoosiaol, ku kar'aq olliq suurõmbaq, olliq lehmil numbrõq, a sõski pantivaq näile nimeq kah. Sõs panti joba inemisenimmi kah.
