Jumalik komöödia

Läteq: Wikipedia
Dante ja timä "Jumalik komöödia" Michelino Domenico sainamaali pääl Firenze katõdraalin

"Jumalik komöödia" (itaalia keelen "La Divina Commedia") om Alighieri Dante kirotõt eepiline poeem. Tä kirot' tuu 1308. ja 1321. aastaga vaihõl. "Jumalikku komöödiat" peetäs itaalia kirändüse kõgõ tähtsämbäs poeemis ja maailmakirändüse suurteossõs. Tuu, et poeem oll' kirotõt toskaana keelepruugin, avit' tuul keelpruugil saiaq itaalia kiräkeeles.

Poeemin allegoorilidsõlt kujotõt havvatagonõ elo om keskaigsõ katoliilidsõ ilmanägemise kulminats'uun. Täl om kolm ossa: "Põrgu" (Inferno), "Purgatoorium" (Purgatorio) ja "Paradiis" (Paradiso).

Edimält oll' teossõ päälkiri õnnõ "Commedia", Boccaccio Giovanni pand' ildampa tollõ mano Divina. Trükün ilmu tuu edimäst kõrda 1472. Edimäne trükk, kon sõna "jumalik" oll' päälkirän, ilmu 1555 Veneetsian.

Commons
Commons
Kaeq artikli

kotsilõ ka Wikimedia Commonsi kogost.