Inemise hammas

Läteq: Wikipedia
Mineq üle: juhtminõ, otsminõ
Inemise hambaq

Inemise hambit piämiq kah luiõ sekkä arvama, tuuperäst et nääq päält ja sisest ommaq tävveste luusugutsõq.

Täüskasunul inemisel om 32 hammast, nimelt 16 all ja 16 pääl. Hambaq ommaq kolmõmoodolidsõq, s'ollõ et nääq ommaq kolmõ tarvitusõ pääle luudu. Edimädseq hambaq, 4 all, 4 pääl, ommaq toidu haukamisõ ehk külest ärqlõikamisõ tarbis ja tuuperäst kui mõnõq lõikamisõ riistaq lapikoq ja vaivaq. Nukmatsõq hambaq, 2 all, 2 pääl, ommaq inämb höörikoq ja teräväq ja kõlbasõqesierälikult kinniqpidämise ja kaksamisõ pääle. Purimatsõq hambaq, 20 ülekõgõ, ommaq lajaq ja paksoq ja piät toitu purustama ja peenikeses jahvatama.

Inemine tulõ ilma hambita ilmalõ. Tulõ külh ette, et latsõq mõnikõrd üte ehk kats hammast jo üten ilma toovaq ja kõnõldas tuudki, et latsil jo 20 hammast sündümise aol suun om olnuq, ent sääntsit johtumiisi nätäs õnnõgi väega harva. Tõsõl poolõl aastagal nakkasõq latsilõ hambaq tulõma ja katõaastagadsil latsil ommaq jo kõik 8 edimäst ja 4 nukmaist ja 8 purimaist hammast suun. N'ooq 20 hammast nimitetäseq piimähambis ja nakkasõq kuvvõndal ehk säitsmendäl aastagal vällä sadama, minkpääle pia kõvõmbaq asõmõlõ kasusõq. Nelätõistkümneni ehk viietõistkümneni aastagani tulõ 8 vahtsõt purimaist hammast pääle. Neli kõgõ tagomaist hammast kutsutas tarkusõhambis ja n'ooq tulõvaq viil 20 ja 25 aastaga vaihõl, mõnikõrd ka viil ildamba, igemest vällä.

Kaeq viil[toimõndaq]