Gaussi Carl Friedrich

Läteq: Wikipedia
Mineq üle: juhtminõ, otsminõ
Gaussi Carl Friedrich

Johann Carl Friedrich Gauß

Carl Friedrich Gauss.jpg
Gaussi Carl Friedrich, Jenseni Christian Albrechti maal
Sündünüq 30. mahlakuu päiv 1777
Braunschweig
Koolnuq 23. radokuu päiv 1855
Göttingen
Matmispaik Albanifriedhofi kalmuaid

Gaussi Carl Friedrich (Johann Carl Friedrich Gauß, 17771855) oll' s'aksa matõmaatik ja tiidläne, kiä tüüt väega mitmõn vallan, muuhulgan arvoteoorian, statistikan, matõmaatilidsõn analüüsin, diferentsiaalgeomeetriän, geodeesiän, elektrostaatikan, tähetiidüsen ja optikan. Tedä peetäs ütes kõgõ kõvõmbas matõmaatikus, kiä om elänü.

Joba latsõn paistu tä silmä uma anniga. Edimädseq tähtsäq tulõmusõq tõõst' tä joba sõs, ku es olõq viil katõkümnenegiq. Uma pääteossõ "Disquisitiones Arithmeticae" sai tä valmis 1798. a., ku oll' 21 aastakka vana. Raamat ilmu 1801. aastagal. Tuu raamaduga pand' tä alossõ s'ooilmaaigsõlõ arvoteoorialõ.