Canthi Minna

Canthi Minna, passin Ulrika Wilhelmina, tütrigunimi Johnson (sündünüq 19. urbõkuu pääväl 1844 Tamperen, koolnuq 12. lehekuu pääväl 1897 Kuopion) oll' Soomõ edimäne naisaokiränik ja kiränik, ärinaanõ ja kultuurikandja.

Looming

Tä' kirot' kümnit näütemänge ja om tuuga Kivi Aleksisõ kõrval tähtsämbit nimmi Soomõ näütekiränikke aoluun. Päält näütemänge kirot' Canthi Minna ka romaanõ ni jutustuisi, kõik olliq soomõ keelen.

Tsitaadiq

Soomõn tsiteeritäs täämbädseni pääväniq mitund Canthi Minna lausõt.

• Minno ei huvitaq, midä inemiseq ütleväq (”Minä vähät välitän siitä, mitä ihmiset sanovat!”)
• Kõik naasõq ärkuq tekkuq käsitüüd! ("Kaikki naiset älkööt tehkö käsitöitä.”)
• Eläguq kõik targaq meheq! Ulliq võinuq hääl meelel kooldaq. ("Eläkööt kaikki intelligentit miehet! Tyhmät saavat kernaasti kuolla.”)
• Olkõq no miä taht, õnnõ mitte uinussil, puulkoolnuq elo.

Lipupäiv

2003. aastagast tähüstadas Soomõn Canthi Minna sünnüpääväl ütsväärsüspäivä. Edimält oll' tuu õnnõ Soomõ Siseministeeriümi tahtaq lipupäiv, a 2007. aastagast kogo riigi ammõtlik lipupäiv, miä kand nimme Canthi Minna päiv, ütsväärsüse päiv. Kõgõ suurõmbalt peetäs seod päivä just Kuopio liinan, kon tä suurõmba osa umast elost elli.