Meenikunno maastigukaitsõala
Meenikunno maastikukaitsõala om kaitsõala Võromaal Räpinä kihlkunna lõunaotsan Veriora vallan. Kaitsõala om luud 1981. aastaga lehekuu 25. pääväl. Timä suurus om 1757 ha. Tuust 53% võtt hindä ala Meenikunno suu, 1% ommaq viikogoq ni ülejäänüq 46% om mõtsa all.
Kaitsõala om tett tuu jaos, et hoita alalõ Hummogu-Eestile tüüpilist suud, suusaari haruldaisi taimi, kaitsa umanäolist maastikku, arõnõvit älvit ni Nohipalo Must- ja Valgjärve. Turismitegevüs kaitsõalal olõ-iq kuigi suur. Inemiseq saavaq esiq kävvü kaeman Meenikunno suud, Nohipalo järvi ja Ilomõtsa taivakivihaudo.
