Oetteli Carl
Oetteli Carl (Carl Oettel, 1808 - 1884) oll' Tarto kreiskooliinspektri. Tä oll' S'aksi riigi kodanik, timä naanõ oll' perit Prantsusõ-Sveidsist Vevey liinakõsõst Lausanne'i ligidält. Timä edimäidsil Tarto-aastagil oll' timä kodotsõs keeles viil prantsusõ kiil.
Oetteli Carl julgust' kreiskoolin op'vat Hurda Jakobit minemä edesi op'ma gümnaasiummi. Tarto gümnaasiumin op'misõ aigu sai Jakob timä majan massulda kortinan ollaq. Carli tütrest Eugeniest sai ildampa Hurda Jakobi naanõ.
Pereh
[toimõndaq | toimõndaq lätteteksti]- Latsõq:
- Ernestine, läts' mehele Hermansohnilõ
- Eugenie, läts' 1868 mehele Hurda Jakobilõ
- Julie, läts' mehele Christian David Dsirnele, Saraatovi papilõ
- Mathilde, läts' 1878 mehele Kergi Johannessele