Ärqseletüs

Läteq: Wikipedia

Ärqseletüs vai definitsiuun om lausõq (vai mito lausõt), miä pand paika vai piiritles täpsehe määntsegi mõistõ tähendüse. Säänest paikapandmist kutsutas ärqseletämises.

Hariligult seletedäs asi ärq nii, et üteldäs, määntsehe suurõmbahe kokko (sukku) tä kuulus ja miä om tuu as'a man tõisildõ ku muil sammasuku as'ol (muud).

[toimõndaq] Näütüseq

• Märä om imäne täüskasunu hopõn. Tuu tähendäs: märäq ommaq hobõsidõ suust eläjäq, kedä või tõisi samma suku eläjide (täkoq, ruunaq, varsaq) hulgast ärq tundaq tuu perrä, et nääq ommaq imädseq ja täüskasunuq.

hopõn - sugu

imäne ja täüskasunu - muud

• Ristkülikus nimitedäs nelinukka, mink lähisküleq ommaq risti.

nelinukk - sugu

lähisküleq ommaq risti - muud