Volga
Volga (Vinne keeli: Волга) om Euruupa kõgõ pikemb ja kõgõ suurõmba vesikunnaga jõgi.
Jõgi om Vinnemaal. Tuu algnõs Valdai korgõmaalt ja juusk säält läbi Vinnemaa keskpaiga lõunõhe, Kaspia merde. Jõõ pikkus om 3532 km ja tuu valgala om 1 360 000 km2.
Volga vesikunnan ommaq viis Vinnemaa kümnest kõgõ suurõmbast liinast, säälhulgan ka Vinnemaa pääliin Moskva. Jõõ pääl om ka hulga viijovvujaamo ja suuri viihoituisi.
Kuna Volga juusk Kaspia merde, miä om juuskjärv, sis olõ-iq taa luuduslidsõlt köüdet mitte ütegi ilmamerega. Kanaliid piten päses siski Volgast Aasovi, Valgõhe ja Õdagumerde.
Volga jõõl om Vinne kultuurin suur tähendüs – Vinne kirändüsen ja rahvaluulõn nimmas taad sakõstõ nimega Волга-матушка (imä Volga).