Söögipiit

Söögipeediq kimbun

Söögipeedi juurigu läbilõigõq

Peedisalat

Söögipiit vai verrev piit vai aidpiit vai piit (Beta vulgaris) om maldsaliidsi sugukunda kuuluv katõaastaganõ kultuuŕkasv.

Söögipiiti kasvatõdas innekõkkõ timä toitva juurõ peräst, a söögis või pruuki ka peedilehti (saladi- vai supimaterjalis). Söögipeedi juuri või pruukiq ka tuus, et saiaq verevät söögivärvi.

Peedi seen ommaq pektiiniq, miä avitasõq massal mürkü ärq ajjaq.

Aolugu

Söögipeedi edevanõmb harilik piit om peri Vaihõmere veerest. Edimält pruugiti süümise jaos õnnõ peedilehti (lehepeet), a täämbädsel pääväl om päämidses söögiosas peedijuur. Taad juurõviljä om naat kasvatama arvadaq 15. aastagasaast pääle. Eestihte jõudsõ peedikasvatus arvadaq 19. aastagasaal.