Veganlus

Veganlus om sündsüse arvosaaminõ ja tuu peri eloviiś, mink perrrä om mitte-inemis-eläjil kah õigus elolõ ja minkaq püvvetäs hoitaq ärq kõiki eläjide kannahtuisi. Veganlusõl om köüdüs eläjäõiglusõ liikmiisiga.

Veganiq ei arvaq, et eläjäq, kiä olõ-õi inemiseq, ommaq veidemb väärt õiguisi vai kah'otunnõt. Vastapiten ilmakaeminõ om spetsietsism – eläjäliike alambas pidämine (diskriminiirmine). Tuuperäst veganiq ei süüq egaq tarvidaq eläjilt peri tetüssit (ka piimä, munnõ, mett, nahka, villa) egaq toedaq ettevõtmiisi, miä tarvitasõq aoviidüses eläjit, (selle ei käüq veganiq eläjäaian,) selle et mitte tukõq noid tüüstüisi, miä nägeväq eläjäit ku asjo ja/vai tarvitasõq näid ärq.

Et spetsietsismi om ütiskunna kultuur täüs, paistus veganlus palľosilõ radikaalnõ.

Mõnikõrd kutsutas veganlusõs õnnõ tävvelist kasvosüümist. Inemiseq valivaq tävvelidse kasvosüümise veganlusõ arvosaamisõ ni keskkunna vai uma tervüse hoitmisõ peräst.