Vasknarva

Vasknarva (edimält Vastne-Narva) om külä Hummogu-Viromaal Alutagodsõ vallan Narva jõõ veeren. Siist nakkas pääle ainukõnõ Peipsi järvest vällä juuskja jõgi – Narva jõgi. Külä tekkü 14. aastagasaal Vana-Liivimaalõ tettü ordoliina (ordokandsi) mano. Edimäne ordoliin (ordokants) om Vasknarva tettü 1349. aastagal. Külän om Vasknarva satam. Külän om viil kah Vasknarva matusaid. Külän ommaq Vasknarva piirivalvõ kordon ja Kurõmäe kluustri Vasknarva Prohvõt Eelija skeeta. Rahvaetümoloogia perrä om Vasknarva saanuq uma eestikeelidse nime sääl olnuq ordoliina (ordokandsi) vaskkatussõ perrä. Ehitüse poolõst om Vasknarva harilik peipsivinläisi uulidsakülä. Vasknarvan sündü kirändüstiidläne Pachmussi Temira.