Võromaa Muusõum

Võromaa Muusõum om Võro liinan Katariina allee 11 asuv maakunnamuusõum, miä luudi 1966. aastal.

Muusõum tetti vallalõ 10. radokuu 1983. Muusõumi edimäne direktri oll' Aleksander Krull^[1], kiä om ka Võro liina avvukodanik.^[2]

Läbi ao om muusõum kandnuq esiqsugutsit nimmi. Võro Kodoluumuusõumist sai 1994 Võromaa Muusõum. 2013–2025 kand' muusõum Vana-Võromaa Kultuurikua nimme. 8. lehekuust 2025 om tarvitusõl tagasi Võromaa Muusõumi nimi.^[1]

1. vahtsõaastakuust 2015 pääle om muusõum osa Võro Instituudi muusõumiosakonnast vai Vana-Võromaa muusõumõst.^[3]

Muusõum tetti vallalõ näütüisiga „Võromaa tüüstüs ni põllumajandus“ ja „Eesti rahvarõivaq“ (kokkosäädjä Eesti Rahva Muusõum). Edimäne jago alalidsõst näütüsest sai valmis 1984. aastagal, ku tähüstedi Võro liina 200 aastaga juubõlit. Alalinõ näütüs (teostegijä kunstikombinaat ARS) Võromaa aoluust tetti vallalõ 7. radokuu 1985 ja tuud om ildampa viil tävvendet.^[1]

Muusõumin om olnuq näütüsi ka teemadõ pääle "Võromaa II ilmasõta aol", "Mõtsaveleq Võromaal", "Võro keele aolugu" ja "Vana-Võromaa kihlkundõ rahvarõivaq".^[4]

Võromaa Muusõumi gallõriin näüdätäs kõrrast vahtsit kunstinäütüisi.

Lätteq

[:0-1] 1 2 3 https://vanavorumaamuuseumid.ee/vo/vorumuuseum/muuseumist/

[2] ttps://dea.digar.ee/?a=d&d=vorumaateataja20230620.2.5.1

[3] ttps://wi.ee/wp-content/uploads/2025/01/2-Voru-Instituudi-struktuur_alates_06_01_2025.pdf

[4] ttps://web.archive.org/web/20090105175218/http://my.tele2.ee/vorumaamuuseum/ajalugu.php

[1]

[2]

[3]

[4]