Välk

Välk om väkev nättäv eelektriline kipõnlahendus, miä sünnüs luudusõn piksepilven, pilvi vaihõl, pilve ja maa vaihõl vai pilvi ja pilvipäälidse õhu vaihõl. Üts' välk püsüs hariligult 0,2 sekondit. Tuu aogaq käü kipõn pilve ja maa vaihõl mitukümend kõrda. Välk sünnüs, ku pilven tsibipudinaq hõõrusõq ja tegünes eelektriväli.

Kõgõ inämb om nätäq jutt'välkü. Tuu om hariligult 2–3 km korgõ ja mitmõharalinõ.

Tuu om eloliisilõ oholinõ, ku välk maa sisse lüü. Tuu või lahkuq ehitüisi ja pästäq vallalõ palangit.

Ku välk lüü puu sisse, kiis puu sisest vesi õkva ärq ja puu või linnadaq vasta taivast. Tuu tege kõvva hellü. Viil kõvõmbat hellü või kuuldaq liivakõrbõn, ku pikne lüü kaktusõ sisse – nuuq ommavaq vett täüs, niguq purgiq.