Trumbi Donaldi elo mano tükmine Pennsylvanian
2024. aastaga 13. hainakuu pääväl pidi Trumbi Donald Pennsylvania osariigin rahvalõ kõnõt, ku 20 aastakka vana Thomas Matthew Crooks lask' timmä AR-15 püssägaq[1]. Trump oll' tuud aigo inneskine Ameeriga Ütisriike president ja 2024. aastaga Ameeriga presidendivalimiisi vabariiklaisi presidendikandidaat.
Thomas Matthew Crooks lask' püssäst katõsa pauku, Trump saiõ pihta häähte kõrva, rahva siähn timä kõnõt kullõlnu pritsimiis Corey Comperatore saiõ pihta ja kuuli ärq, viil kats inemist saiq vika[2].
Katstõist sekundit pääle tuu ku Crooks laskma naas', lask' Salateenistüse täpsüslaskja tä maaha.
Ku paugutõdi, haard' Trump umast kõrvast kinniq ja lask' kõnnõpuki taadõ kumarusi, kon vahiteenistüse inemiseq timmä kaidsiq ja katiq nika ku laskja ärq tapõti. Pildistäjä ja aokiränik Vucci Evan tekk' pistü nõsõnust Trumbist pilti, kon täl oll' nägo ja kõrv verega kuun ni tä lei ruskuga taiva poolõ ja hüüd' "Fight! Fight! Fight!" (võro keeli umbõs "Võidõlgõq! Võidõlgõq! Võidõlgõq!" Pildiq olliq ütismeediän väega popiq. Trump viidi haigõmajja ni tä saiõ sama päiv kodo[3]. Kats päivä ildampa oll' tä jälq inemiisi iin, kõrv kinniq katõt.
Salateenistüse direktri pand' 23. hainakuu pääväl ammõdi maaha.
Lätteq
[toimõndaq | toimõndaq lätteteksti]- ↑ Graeme Baker: Biden condemns 'sick' attempt on Trump's life. BBC News, 14 hainakuu päiv 2024. Pruugit 4. põimukuu päiv 2025.
- ↑ "Trump Is Safe After Assassination Attempt; Suspected Gunman Is Dead". The New York Times. 13. hainakuu päiv 2024. Pruugit 4. põimukuu päiv 2025.
- ↑ Layne, Nathan; Mcdermid, Brendan; Mason, Jeff: "Trump shot in right ear at campaign rally, shooter dead". Reuters. 14. hainakuu päiv 2024. Pruugit 4. põimukuu päiv 2025.