Patrasoni Ilmar

Patrasoni Ilmar (Ilmar Patrason) (sündü 14. vahtsõaastakuu pääväl 1917 Petrogradin, kuuli 27. urbõkuu pääväl 1982 Tarton, om matõt Põlva kalmuaida) oll' muusigaoppaja, koori- ja orkestrijuht.

Pereh

• Esä: Patrasoni Juhan (1873-1970), piinmehaanik, talopidäjä
• Imä: Patrasoni (Mülleri) Bertha (1879-1942), kodooppaja
• Sõsaraq-veleq:
  • Patrasoni Harri (1902-1945), amõtnik
  • Aadre Lydia (1904-1957), oopõrilaulja
• I naanõ: Patrasoni (Veske) Arma (1911-1951), oppaja
• II naanõ: Patrasoni (Preesi) Lisette (sünd. 1929), latsikodokasvataja
• Latsõq:
  • Patrasoni Raivo (sünd. 1945)
  • Patrasoni Uuno (sünd. 1951)
  • Patrasoni Vallo (1955-1986)

Haridus

• 1925-1929 Tilsi latsikodo algkuul
• 1929-1931 Tilsi algkuul
• 1933 Väimälä põllutüükuul (jäi lõpõtamaldaq)
• Tävvend' hinnäst pall'odõl muusiga- ja pedagoogigakursuisil.

Tüükotussõq

• 1944 Tilsi ja Vana-Koiola 7-kl. kuul
• 1951-1978 Tilsi 8-kl. kooli muusiga- ja joonistusoppaja
• 1978-1982 Tilsi latsikodo muusigakasvataja
• 1951-1982 (vaihhõaigõga) Vana-Koiola kooli muusigaoppaja

Ütiskundlinõ tegevüs

Juhat' inämb ku 20 segäkuuri, miiskuuri, ansamblit, estraadi- ja puhkpilliorkestrit (1961-1982 "Koidu" kolhoosi puhkpilliorkestrit), juhõnd' solistõ Tilsin, Vanan-Koiolan, Lahel ja Põlvan. Sai ummi kuurõ ja orkestridega laulupita ülekaehuisil, olümpiaadel ja "Põlva koolikeväjä" ettevõtmiisil avvohindo. Juhat' Põlva laulupäivil latsi ja suuri ütiskuurõ ja -orkestrit. Kuulu Viiemeistride Liido Tarto osakunna nuuri viiemeistride sektsiuuni.

Looming

Patrasoni Ilmar om loonuq umbõs 30 orkestripalla nink soolo-, ansambli- ja koorilaulõ.