Võhandu jõgi

Võhandu jõgi

Võhandu jõgi om Eesti kõgõ pikemb jõgi. Tä nakkas pääle Savõrna külä ligidält ja suubus Võõpso lähkün Lämmähejärve. Võhandu jõõ pikkus om 162 km ni jõgikund om 1420 km². Vagola järvest ülesvuulu kand jõgi nimme Pühäjõgi ni alambjoosul Võujõgi. Võhandu jõgi om laivatõdav Peipsi järvest Võõpso sadamani. 1963. aastagal moodustõdiq Võhandu jõõ ürgoro maastigukaitsõala.

Harojõõq

• Hää käe poolidsõq: Mügrä uja, Koklõ jõgi, Sillaotsa jõgi, Kärgula uja, Jaaska uja, Aiju jõgi, Koreli uja, Isknä jõgi, Palomõisa uja, Pahtpää jõgi, Mädäjõgi, Varesmäe uja
• Kur'a käe poolidsõq: Parisuu pääkraav, Karioja, Vilustõ uja, Toolamaa uja

Paisjärveq

Kõgõ suurõmbaq paisjärveq Võhandu jõõ pääl ommaq Leevaku paisjärv ja Räpinä paisjärv.

Elokotusõq

Võhandu jõõ viirde jääseq Kääpä, Leevi, Leevaku, Räpinä, Võõpso ja viil hulka külli.