Sanskriti kiil
Sanskriti kiil vai sanskrit (tüve jago संस्कृत, saṃskṛta-. nimekäänüs संस्कृतम्, saṃskṛtam) käü indo-aaria kiili ala, miä kuulus indo-euruupa kiilkunda.[1]
Sanskriti kiil om ka üts väegä tähtsä antiikkiili. Tuud pruugiti Indian ni tuu om täämbätseni hinduismi pühä kiil. Sanskrit om lisas viil tähtsä kiräkiil budismilõ ja džainismilõ. Vällänpuul Indiat saiõ Sanskrit suurõs osas mitmidõ rahvidõ ülembkultuurist.
Sanskritti kõnõldi vai mõistõti suurõn osan Lõunõ-Aasian. Sanskriti tekste om lövvet Hiinan, Jaapanin, Vietnamin, Indoneesiän jne. Sanskrit ku kõnõlõmiskiil oll' tarvitusõn 1500. a kooniq 700. a i.m.a. Indian ku ka India ümbre. Sanskriti kiil oll' väega põh'aligult vällä kirotõt mõttõtiidläse Pānini puult.[2] Timä kirotõt sanskriti grammatiga oll' antiikao üts kõgõ suurõmbit grammatikit.
Täämbädsel aol ei olõq sanskrit inämb elon kiil. Tuu om välläkoolnuq ja tuud tarvitõdas õnnõ kiräkeeles. Osaq India maakunnaq ommaq valinuq hindä as'aajamisõ keeles sanskriti keele. Mõni inemine om ütelnüq, et timä imäkiil om sanskrit, a sjoo om tahtminõ ollaq köüdet tuu keelega. Sanskritti pruugitas inämbält kombõkeeles. Sõskiq, Indian om võimalik oppiq sanskriti kiilt ülikoolõn.[3] Tuu om löüdnüq hindäle kotusõ ka Indian tettävän tiidüsen ja valitsusõn. Sanskriti roll om võrrõldav ladina keele rolliga Õuruupan ja õdagu-maailman.
Sanskriti kiil om köüdet täämbädse ao indo-aaria kiiliga, midä kõnõldas Indian ja tuu lähkün. Sääntsist keelist ommaq tunnõduq näütüses Indian paali, punjabi ja Õuruupan romani kiil.
Viited
[toimõndaq | toimõndaq lätteteksti]- ↑ Mallory, J. P.; Adams, D. Q. (24. august 2006). The Oxford Introduction to Proto-Indo-European and the Proto-Indo-European World (inglise). OUP Oxford. Lk 5, 6–7, 9, 23–25, 32–33. ISBN 978-0-19-105812-7.
- ↑ "Ch. 6 Early Civilizations in the Indian Subcontinent: Sanskrit". Lumen Learning. Vaadatud 23.04.2024.
- ↑ Singh, Karan (2015). "SANSKRIT: The Divine Language". India International Centre Quarterly. 42 (1): 67–71. ISSN 0376-9771.