Sanderi Mart

Sanderi Mart (Martin Laurent Sander; sündünüq 10. põimukuu pääval 1967) om eesti muusigamiis’, näütlejä, lavastaja ja kirämiis’.

Elokäük’

Sanderi Mart opp’ Tal’na Muusigakoolin ja perän Otsa Georgi-nimelidsen Tal’na Muusigakoolin. Tä om lõpõtunuq Tal’na suurõkooli ja 2024. aastagal tä kaits’ ärq kah uma doktoritüü.^[1] Niisamatõ om tä ka Eesti Kirämiihi Liido ja katoligu kerigu kogohusõ liigõq.

Loomus ja aoviidüseq

Sanderi Mart om olnuq Estonia tiatrin koorilaulja ja lavastaja. Niisamatõ miildüs tälle muusiga luuminõ, kirotaminõ, tõlkminõ ja maal’minõ. Tä om tennüq muusikat filmele ja telesaatilõ, timä muusikat mängitäs ka raadion. Mart om mängnüq mitmõn filmin ja ka telesar'an “Kättetasomisõkontor’” (2011, 6. huuaig, kotusõq 4 ja 5).

Sanderi Mart mõist eesti, soomõ, inglüse ja s'aksa kiilt.

Guinessi ilmarekord’

Sanderi Mart võit’ 2024. aastagal Guinessi ilmarekordi filmigaq “Dr. Sanderi unõtohtõrdus” astmõn “Kõgõ inämb esiqsugumaidsin ossõn üten filmin mänginüq näütlejä”. Sanderi Mart mängse sääl 48 esiqsugust tegeläst.^[2]

Hää läbisaaminõ Inglüsmaa kuningaimändägaq

Sanderi Mart kirot’ 2003. aastagal Suur’britanniahe laulu “Soldiers of the Queen”, a briti raadiojaamaq ütliq tuu ettekandmisõst ärq. Tuuperäst Mart saat’ laulu hoobis õkva Inglüsmaa kuningaimändäle Elizabeth II. Kuningaimändäle tuu miildü, tuuperäst tä kuts’ Sanderi Mardi umalõ vastavõtulõ. Sääl nääq aiq paar’ sõna juttu ja Mart and’ kuningaimändäle uma inglüskeelidse raamadu “Lux Gravise”. Päält tuu alost’ Sanderi Mardi ja Elizabeth II kirävaihtus.^[3]

Lätteq

[1] ttps://kroonika.delfi.ee/artikkel/120301881/foto-suur-saavutus-mart-sander-kaitses-tallinna-ulikoolis-doktoritoo

[2] ttps://www.guinnessworldrecords.com/news/2024/11/insomniac-actor-makes-dream-come-true-by-playing-48-characters-in-own-gothic-horror

[3] ttps://kroonika.delfi.ee/artikkel/120064316/mart-sander-pidas-kuningannaga-kirjavahetust-nii-vagevat-ja-voimekat-monarhi-maailm-ilmselt-enam-ei-nae

[1]

[2]

[3]