Riia huulits (Tarto)

Läteq: Wikipedia
Mine navigeerimisribale Mine otsikasti

Riia huulits om üts tähtsämbit huulitsit Tarton.

Riia huulits om umbõs 4,4 km pikk, naas pääle Imäjõõst, Võidu silla mant ja läts õkva liina viirde vällä. Innembi oll' tuu osa, miä raudtiisillast edesi läts', Riia maantii, põrõld om ta lõpuni vällä Riia huulits.

Aolugu[toimõndaq | toimõndaq lätteteksti]

Riia huulitsat piten om läbi aoluu Otõmpää ni Valga kaudu Lätti ja Riiga käüdüq. Riia liin om Lõunõ-Eestile kõik aig tähtsä olnuq – . Vinne keisririigi aol oll' Tarto Liivimaa kubermangun, mink keskus oll' Riia.

Miä huulidsa viirde jääs[toimõndaq | toimõndaq lätteteksti]

Kaitsõväe Akadeemiä jääs õkva Riia huulidsa viirde

Võidu silla puult minnen jääs kura kätt Imäjõõ ärikeskus (mink kotsalõ tartlasõq esi ütlevä Pläsku) ja hääd kätt vana Tarto turuhoonõq.

Tarto rahvarohkõmbit kotussit om Riia-Turu tiiristi ümbre, kon om mitu kaubakeskust (Tarto Kaubamaja, Kvartal) ja lääväq bussiq.

Veidükese edesi, Riia-Ülikooli huulitsa ristist hääd kätt jääs Vanõmuisõ tiatrimaja, sama kotussõ pääl kura kätt om Tarto kohtumaja.

Riiamäe pääl om Kaitsõväe Akadeemiä hoonõq.

Tarto Paulusõ kerik 2008. aastagal

Aadrõssil Riia 27 om juugõndstiilin Tarto Paulusõ kerik. Veidükese maad kura kätt jääs Aparaaditehas, kohe om viimädsel aol pall'o kotussit, kon saat süvvä ja nisama jõlkuq.

Vaksali ni Raudtii huulitsa vaihõlõ jääs Riia huulidsa raudtiisild, kon käü põrõld suur' ehitüstüü, inemiisile tetäs tunnõliq ja vahtsõnõ sild raudtiisilla mano.[1] Sild om õkva Vaksali ja Tammõliina piiri pääl.

Tammõliinast läbi sõita jääs uhkõ tammõrida.

Tammõliinan jääs hääd kätt Ludvig Puusepa huulits, kon ommaq Tarto Kliinikumi hoonõq.

Lõunakeskusõ man on suur' ringtii, kost õkva sõitõn nakas Aarda huulidsa risti pääl pääle Riia maantii.

Lätteq[toimõndaq | toimõndaq lätteteksti]

  1. Tartu alustab Riia-Vaksali ristmiku renoveerimist. Tarto liin. Pruugit 06.03.2021. Eesti keelen