Pruukja:LLaugesaar
Kino "Illusioon"
[toimõndaq | toimõndaq lätteteksti]Tarton Kivisilla man Hainaturu pääl asunu "Illusioon" oll’ Eesti edimäne paigapääline kino. Lihtsa puunõ hoonõ tetti valla 1908 ja mahut’ edimält 360 inemist. 1910. aastakal kinnütati kino suurembas ehitämise projekt 500 päältkaejale. "Illusioonin" ollivaq partri, luuž, orkestri kotus ja puhvõť.[1] Edimädse 9 kuu joosul külästädi kinno 85 305 kõrda ja aoleht Postimiis, miä nimet tuud aoviidüst odavas lõbus, süüdist "Illusiooni" tollen, et Vanemuisen vähämb inemiisi oll’ nakanu käümä.[2] Edimädse ilmasõa aigu ja perän tuud väihõt kino sagede omanikkõ. 1934. aastakal nimitedi tä ümbre "Metropolis". Kino jäi lõpus aole jalgu ja lahuti 1936. aastakal maaha. Omanik vei ta Andrese tallu Raadi külan, kos kinohoonõst tetti hoobis tsigala.[1]