Pardsi Karl
Pardsi Karl (Karl Parts, VR I/1., II/2. ja II/3. sündünüq 15. hainakuu pääväl 1886 Paluperä vallan Tartomaal; koolnuq 1. süküskuu pääväl 1941 Kirovi oblastin) oll' Eesti sõaväeläne (kolonel, 1919). Vabahussõan oll' tä Soomusrongõ divisjoni ülemb.
Elokäüs
[toimõndaq | toimõndaq lätteteksti]1915. aastaga lõpõt' Pardsi Karl Peterhofi lipnigekooli ja oll' Vinne armee edimädse ilmasõa aigo mitmõ väerõnna pääl. Tsaariarmeen saiõ tä alambakaptõni avvoastmõ. 1917. aastaga läts Pardsi Karl Eesti rahvusväeossa.
23. urbõkuu pääväl 1918 panti tä 1. Eesti jalaväepolgu I pataljoni ülembäs. 1918. aasta 1. vahtsõaastakuu pääväl tetti kaptõnis.
S'aksa okupatsiooni aigo kõrrald' tä salahuisi Kaitsõliido tegemiisi.
Vabahussõan panti kaptõn Pardsi pääle soomusrongõ kõrraldaminõ ja juhtminõ.
Pardsi Karl oll' üts ütsäst inemisest, kinkalõ Vabahussõan üles näüdädü vahvusõ iist kolm Vabahusristi annõti.
6. märtekuu pääväl 1940 võtt' NKVD Pardsi Karla uman kodotalun kinniq ja vei tä Tartohe vangimajja. 1941. aastaga mahlakuun viidi tä Vinnemaalõ, 28. hainakuu pääväl 1941 mõist' sõatribunaal tä surma ni 1. süküskuu pääväl tapõti ärq.
Pardsi Karla poig, reservlipnik Emil-Mauritius Parts (sündünüq 5. rehekuu pääväl 1912 Peterburin) tapiq hävitüspataljooni meheq 16. hainakuu pääväl 1941 Saadjärve algkooli man.
Pardsi Karla naanõ Milli kuuli 13. rehekuu pääväl 1949 Mürwiki pagulaslaagrin S'aksamaal.
Teosõq
[toimõndaq | toimõndaq lätteteksti]Artikliq
[toimõndaq | toimõndaq lätteteksti]- Pardsi Karl, Soomusrongõ tegemiisist Vabahussõa murrangu aigo Põhja (Viru) väerõnnal. Tapa ärqvõtminõ. Mälehtüisi ja dokumente. // Sõdur 1928, nr. 6–8, lk 221–229.
- Karl Parts, Tapa lahengu strateegiline tähtsüs. // Lääne Hääl, 25. aprill 1931.
- Karl Parts, Tartu vabastaminõ – riigi ja rahva saatus. // Vabadussõja Tähistel 1937, nr. 1, lk 2–3.
- Karl Parts, Eesti rahvusväeossi võitluspäivilt. Ungari orost 1. Eesti polku Rakveres. // Vabadussõja Tähistel 1938, nr. 2, lk 39–44.