Pärsimäe Karl

Pärsimäe Karl Karl Pärsimägi
"Autoportree kübärägaq" ("Portree"). 1931
Sündünüq	11. lehekuu päiv 1902 Oe külä, Sika talo
Koolnuq	27. hainakuu päiv 1942 Auschwitzi kuunduslaagri
Rahvus	eestläne

Pärsimäe Karl (Karl Pärsimägi, sündünüq 11. lehekuu pääväl 1902 Oe külän; koolnuq 27. hainakuu pääväl 1942 Auschwitzi vangilaagrin) oll' kunstnik.

Elokäük

Oe küläst Sika talost peri kunstnik Pärsimäe Karl nakas' tõsitsõmbalt pilte tegemä päält Kraavi kooli lõpõtamist. Kunsti nakas' tä opma Peterburin ja perän käve Pallasõ koolin. Kunstnik om joonistanuq Võro liina ja ilosit kotussit liina lähküst, Tamula järve. Timä süä hoit' õks kodo poolõ – pikkä aigu elli tä Sikal.

Kõgõ rohkõmb joonist' tä üles umma kodotallo. Tä kuulsamb maal omgiq "Talotarõ truubagaq" – rõõmsat värmi pilt tarõst, kon kunstnik kasvi.

Vanna ja miiqperäst taht' tä kokko pandaq prantsusõ muudsa kunstigaq. Suur tahtminõ oll' kunstnigul ka ilma nätäq – tä läts' Pariisi. Mõnõq sääl tettüq tüüq jovviq kodomaalõ, a timä esiq es tulõq inämb kunagi tagasi.

Karl Pärsimäke ku välämaalast pidi Natsi-S'aksamaa võim juudis ja tä kuuli Auschwitzi vangilaagrihe.

Seon artiklin om tarvitõt teosõ "Võromaa kodolugu" matõrjaalõ.