Pärno–Viländi–Tarto sõiduvesi
Arvatas, et kunagi saiõ Pärnost läbi Viländi Tartohe Pärno–Villändi–Tarto sõiduvett piten. Sõitaq saiõ Pärno, Navesti, Halliste ja Raudna jõkõ piten nika ku Viländi järveniq ja säält edesi Tänassilma jõkõ, Võrtsjärve ja Suurt Imäjõkõ piten Tartoniq.
Sääne sõiduvesi arvatas ollõv olõman olnuq selle, et vanno kaartõ pääl näüdätäs jõki Pärno ja Tarto vaihõl üte kõkkõmaldaq joonõgaq, ja vanon kiräsõnon seletedäs paadigaq Tänassõlma jõgõ, Viländijärve ja Raudna jõõ vaihõl sõitmist.
Viil om kõnõld tuud, et Suur Imäjõdi ja Pärno jõgi ommaq muinas- ja keskaol olnuq sama nimegaq, viisaisoq jõkin ja järvin ommaq olnuq korõmbaq ku seo ilma aigu ja vana sõiduvesi olnuq hää seletüs, mille olliq Viländi ja Tarto keskaol kõva kaubakeskusõq. Mõnõq autoriq sõskiq säändse sõiduvii olõman olõmist usu-uiq.
Piä kõik lätteq, miäq kõnõlõsõq seo sõiduvii pruukmisõst, ommaq peri määndsegi sõa aost. Liivi sõa aol lätt kraami Pärnost jõki piten Viländihe: kaq vinne sõapäälik Kurbski Andrei vei uma suurõqtüküq Viländi mano liina ümbre tsõõri võtmisõs vett piten. Suurõqtüküq saivaq viist vällä nõstõt õnnõ paari verstä kavvõn Viländi liinast.
