Mus'omägi (Tarto)

Mus’omägi om mägi Tarto Toomõmäel, Tarto tuumkerigu man. Mus’omägi tetti 19. aastagasaal, ku taheti parki romantilidsõs tetäq. Mägi tetti inneskidse roodsiaolidsõ bastioni pääle.

Innembä oll’ mäe all üts’ kuup, mis om noq ärq vaonuq. Mäe iin oll’ ka väiko lump sillagaq. Mus’omäkke veeväq trepiq ja tuu korgõmban otsan om kaemislava. Mäe man om ka ohvrikivi ja Petersoni Kristjani Jaagu mälehtüssammas. Mus’omägi om populaarnõ nuuri ja turistõ siän.

Legend’

Õkva paari lännüq noorõq lääväq Mus’omäele, kon peigmiis’ vii naasõ trepist üles. Sõs naq joovaq sääl vatuveini ja klaasiq visatasõq maaha kats’ki, et tulõsiq pall’o abieloõnnõ.^[1]

Mus’omäe vahtsõstluuminõ

2007. aastagal otsust’ Tarto liinavalitsus Mus’omäe ja taa ümbrekunna tetäq vahtsõst kõrda. Lumbi vahtsõstegemises tetti vahtsõnõ tsolgiviitorostik ja parandõdiq ärq ka trepiq, tiiq ja lambiq.^[2]

Lätteq

[1] ttps://www.ohtuleht.ee/melu/438180/tartus-viib-vastse-abielupaari-esimene-kaik-musumaele

[2] ttps://www.aripaev.ee/uudised/2007/01/16/Tartu_Musumagi_saab_uue_nao

[1]

[2]