Mahl

Apõlsiinimahl

Mahl om puuviläst, mar'ast vai köögiviläst tett juuk, kon olõ-iq hüdsihappagaasi nigu vurdsujoogõn. Mahla tetäs hariligult presmisega vai ka marjo tossutõn.

Mahla või juvvaq värskilt pressitült, a tuust või tetäq ka kontsõntraati. Sõs tulõ juumisõs toolõ vett mano pandaq. Sakõstõ om kontsõntraadil tõistmuudu maik ku värskilt pressitül mahlal. Mahla või ka külmä pandaq. Taast saa ka tetäq smuutit. Sakõstõ pandas mahlalõ, inne ku taa müüki viiäs, vett vai tsukrut mano. Esiqsugutsit puu-, köögivilä- ja mar'amahlo või ka umavaihõl segämahlas sekäq.

Mahla seen om pall'o kihäle vaia olõvit ainit nigu C-vitamiin, kaalium ja fuulhapas.