Liinatśuraq
_-_102.jpg)
Liinatśuraq om seto miihilaulupark, miä käü kokko Tartoh. Nä laulvaq päämädselt Uusvada ni Meremäe laulõ, miä ommaq peri 19. aastagasaa lõpust ja 20. aastagasaa alostusõst.[1] Kuur sündü 2000. aastaga süguse, ku Kauksi Ülle kõrrald' Fenno-Ugria Tarto kesküseh miihilaulu õdagu, koh võtt' laulõ iist Hao Paali.
2010. aastagal peiq Liinatśuraq umma 10. hällüpäivä Eesti Kirändüsmuusõumih.[2]
Meheq ommaq üles astnuq päält Eesti ni Petseri viil Pihkvah, Lätih, Leeduh ja Udmurdimaal.[3]
Liikmõq
[toimõndaq | toimõndaq lätteteksti]Suurõmbjago liikmit ommaq seto juuriga meheq, kiä eläseq Tartoh.[1] Kuuhsais olõ-iq kõgõ ütesugumanõ.[4] Pargi parlatsit ni inneskiidsi lauljit: Hao Paali, Kalkuna Andreas, Kalla Urmas, Lintrobi Aado, Valpri Valdo, Kolga Kaspar, Sommeri Lauri, Lippusõ Pärtli, Panovi Piitre, Vahelaanõ Paali, Haagi Arvi, Sarvõ Heno, Metssalu Jüri, Sibula Tiit, Kahuski Neeme ja Orasõ Urmas.[1]
Killõt laul sagõhe Kalkuna Andreas.[5]
2005. aastagal sündü vähämb park Ütsiotsõ, koh laulvaq Kalla Urmas, Kalkuna Andreas, Sommeri Lauri ja Kolga Kaspar.[6]
Albumiq
[toimõndaq | toimõndaq lätteteksti]- "Liinatśuraq" (2004)[5]
Näide laulmist saa kullõldaq ka Karula kihlkunna laulõ tsõõri pääl "Siuq sündü söödüle" (2006), koh laul viil ansambli Väike Hellero ni om mano pant vanno sõnoliisi ettekandit.[6]
Lätteq
[toimõndaq | toimõndaq lätteteksti]- 1 2 3 Liinatśurrõ kodoleht (arkiiv, 2014)
- ↑ Lintropi Aado 2010. Liinatśuraq 10! Loitsija blogi.
- ↑ Liinatśurrõ Facebook.
- ↑ Mooste folgi kodoleht, Liinatśuraq.
- 1 2 Liinatśuraq – Liinatśuraq. discogs.com.
- 1 2 Vana-Võromaa rahvalaul, Eesti Rahvakultuuri Keskus.