Lattigu Jaan
| Jaan Lattik
Lattigu Jaan | |
|---|---|
 Lattigu Jaan oll' Karula kandi inemine |
Lattigu Jaan (Jaan Lattik, sündünüq vahtsõ kallõndri perrä 22. rehekuud 1878; koolnuq 27. piimäkuud 1967 Stokholmin) oll' eesti poliitik ja kiränik, aastil 1925–1927 Eesti haridus- ja 1928–1931 väläministri.
Elokäük
[toimõndaq | toimõndaq lätteteksti]Vanõmbaq ja perrekund
[toimõndaq | toimõndaq lätteteksti]Lattigu Jaan oll' peris Karula inemine – vanast taloperrest peri. Timä edimäne edeesä, kinkast midägiq teedäq om, olnuq Sangastõ kuulmeistre kasulats. Tuu 16 aastagat vana Piitre võtt' naasõs 31-aastadsõ Liisu ja sai Tüürä talo peremehes. Näide perren olliq jo sis hääq kirätundjaq. Tuust suurõst suguvõsast om ildamba vällä tulnuq viil mitu seo kandi kuulmeistret ja kultuuritüü tegijät. Lattiku esä Taavet oll' noorõn põlvõn viil Luttigu nimegaq. A tä oll' valla as'amiis ja teno toolõ läts täl kõrda u-täht a-s tetäq.
Koolitii
[toimõndaq | toimõndaq lätteteksti]1908. aastaga lõpõt' Tarto Ülikooli usotiidüskunna, uma prooviaastaga oll' Peterburin Jaani kogohusõn.
Riigimehe põli
[toimõndaq | toimõndaq lätteteksti]Lattigu Jaanist sai Vabariigi aigu tähtsä riigimiis – tä oll' 1928–1931 väläministri ja Riigikogo liigõq. Kavva aigu oll' tä Villändin keriguopõtajas. Timä jutluisi tulti kavvõstkiq kullõma. Päält tõist ilmasõta vei elo tä Roodsimaalõ paossihe ja tä kuuli Stokholmin 1967. aastaga.
Seon artiklin om tarvitõt teosõ "Võromaa kodolugu" matõrjaalõ.