Latimeeriä
Latimeeriäq ommaq vihthurmsõq kalaq, kiä eläseq väega süvän viin.
Latimeerijit om katś liiki: harilik latimeeriä (ladina keelen Latimeria chalumnae) ja sulawesi latimeeriä (Latimeria menadoensis). Latimeeriäq ommaq nii muistidsõq eläjäq, et 20. aastagasaani arvssiq inemiseq, et nääq ommaq jo kümnide milľonidõ aastakkõ iist vällä koolnuq[1]. Tuuperäst kutsutas näid mõnikõrd elävis kivistüisis.
Latimeeriäq eläseq India ilmameren umbõs 200 miitre süvähüsen viin[1]. Nääq võivaq kassuq esikiq kats miitret pikäs ja kaaldvaq hariligult umbõs 70 killo. Latimeeriäq ommaq rüüvkalaq ja sööväq tõisi kallo, kiä süvän viin eläseq.[2] Päävä aigo käkväq nääq hinnäst hariligult müürütśoppõ seen, a üüse tulõvaq vällä ja nakkasõq süüki jahťma. Söögi püüdmises võivaq latimeeriäq ujjoq esiki 700 miitre süvähüste.[1] Ummi üüsitside rüüvkäüke aol võivaq nääq üte üüga maaha ujjoq esikiq katõsa kilomiitret. [3]