Ladina kiri
Ladina kiri om kiräsüstem', miä oll' algusõn pruuk'misõn ladina keele ülesmärk'mises. Tuu kiri põh'andus ladina keele tähistü pääle, miä ummakõrda põh'andus kreeka tähistü pääle. Seo ilma aigo om tuu ilman kõgõ hariligumb kiräsüstem'. Tuu om pruuk'misõn kah eesti ja võro keele ülesmärk'mises.
Tuu kiri põh'andus ladina tähistü pääle, a tõistsugumaisi kiili ülesmärk'mises ommaq pruuk'misõn kah tävvendüseq.
Seo ilma aigo om ladina tähil kats' kujjo: suurõq täheq ja väikuq täheq. Ladina kirän ommaq tähüstedüq vabahelüq ja peethelüq. Ladina kirjä pruugitas kuralt puult hääle poolõ. Ladina kirägaq tekstin ommaq sõnno vaihõl tühüsseq. Kirävaihõmärke pruugitas kah.