Kurdiq
.jpg)
Kurdiq ommaq maailma kõgõ suurõmb riigilda rahvas. Kurdõ om kolmkümmend kooniq nelikümmend mill'onni. Nä eläseq Iin-Aasian, päämidselt Kurdistanin, miä om jaet Iraagi, Iraani, Süüriä ja Türgü vaihõl. Veidükese eläs kurdõ ka Taga-Kaukaasian ja Liibanonin. Seo ilma aigo om pall'o kurdõ ka Õdagu-Euruupan ja Ameeriga Ütisriigen.
Kurdiq kõnõlõsõq kurdi kiilt, miä kuulus vahtsõiraani kiili hulka. Kurdi keelel om mitmit murdit. Mõnõq noist ommaq nii esiqsugumadsõq, et näid peetäs umaette keelis. Samas keeles üteldäs näid õnnõ selle, et näil om ütine peritolo ja selle et rasõhust pandaq kurdi rahva rahvuslidsõlõ üttekuulumisõlõ. Kõgõ tähtsäbmaq kurdi murdõq ommaq Kurmandsi, Sorani, Mukri ja Gurani murrõq. Ütist kurdi kiräkiilt olõ-õi.
Inämbüs kurdõ ommaq moslõmiq, a om ka juudi- ja ristiusko kurdõ.[1]