Kurõpalo

Kurõpalo om külä Tarto maakunnan Kastrõ vallan. Külä suurus om 2,7 km² ja sääl eläs rohkõmb ku 200 inemist. Kurõpalo om Tartost 13 kilomiitret kavvõn. Inne ku vallaq kokko panti, oll' Kurõpalo Haaslava valla keskus.

Külän om Kastrõ vallamaja. Vallamaja lähkün om väiku puut, kost saa ostaq ijätüst ja kommi.

Kurõpalo külän om rand, rahvamaja ja lauluplats. Kurõpalon tetäs jaanituld ja kõrraldõdas ettevõtmiisi. Lauluplatsi man om ka mängoplats ja külähäll. Rahvamajan tandsitas, tetäs trenni ja lauldas.

Kurõpalon om järv ja järve veeren om rand, kos om kah mängoplats. Jõõ ja järve veeren ommaq inemiisi suvõkodoq.