Kraasna kiil

Häönüq kraasna keelesaarõkõnõ all, hää poolõ pääl.

Kraasna kiil vai Kraasna murrõq om häönüq lõunõeesti vai seto keele variants, midä kõnõldi Kraasna vai Krasnogorodskoje ümbre Vinnemaal.

Arvadaq kuuliq perämädseq kraasna keele kõnõlõjaq inne tõist ilmasõta.

Kraasna keelest ommaq alalõ mõnõq vahatrullõ pääle võeduq helüülesvõttõq ja käsikirän tekstiq.

Kõgõ inämb läts kraasna kiil kokko seto keelega, sääl tarvitõdi h-seenkäänüst (Petserih), st-saajakäänüst, oll' pall'o tagaeitüst (tihka-as).

Kõgõ inämb võtiq kraasna kiilt üles ja panniq kirjä Kalda Oskar ni Ojansuu Heikki. Viimätsel aol ommaq kraasna kiilt uurnu Weberi Tobias ni Ernidsä Enn.