Koobaorrav
.jpg)
Koobaorrav e hünisejä (Marmota monax) om Põh’a-Ameeriga kõgõ suurõmb orravlane. Neoq jüräjäq ommaq kõgõ tegüsämbäq suvõaol ja talvõ nääq ommaq talvõunnõn. Nääq võivaq elläq kas mäki pääl vai hainamaal ja makasõq oosõn.
Vällänägemine
[toimõndaq | toimõndaq lätteteksti]Koobaoravaq ommaq väegaq suurõq ja näil ommaq väikukõsõq, a jovvulidsõq jalaq ja jovvulinõ kihä. Täüskasunu koobaorrav om hariligult 40–65 cm suur’ (hand om 15 cm) ja tä om hariligult pia 2–4 kg rassõ. Koobaoravalõ miildüs saistaq, nii tä saa silmä pääl hoitaq ümbrekunnal.
Koobaorravaq meediän
[toimõndaq | toimõndaq lätteteksti]2007. aastagal tetti joonisfilm' “Alvin ja koobaorravaq” (inglüse keelen “Alvin and the Chipmunks”). Filmin ommaq juttorravaq, a nääq panti eesti kiilde ümbre koobaoravis. Periselt ommaq koobaoravaq ütsjago suurõmbaq ku juttorravaq, kiä ommaq kõgõst 13,5–18,5 cm suurõq. Arvadaq saiq tegeläseq keelelidse mugavusõ peräst koobaoravis, a mitte juttorravis.
Boodog
[toimõndaq | toimõndaq lätteteksti]
Koobaorravat tarvitõdas Mongooliast peri söögin boodog. Tuu om Mongoolia rahvuslinõ ja pidolik süük, mink jaos küdsetäs koobaorrav ärq kuumõ kivve pääl.[1] Süüki tetäs päämidselt sügüse, ku koobaorrav om naanuq rasva talvõs kokko hoitma.