Kalimantan

Borneo (malai keele perrä) vai Kalimantan (indoneesiä keele perrä) om suurusõ poolõst maailma kolmas saar. Saarõ pindala om 748 168 km² ja 2020. aastaga rahvalugõmisõ perrä eläs sääl 23 053 723 inemist.

Borneo om ärq jaet kolmõ riigi vaihõl. Brunei all om nii 1% saart. Nii 73% Borneost jääs Indoneesiä alaq, saarõ põh'ajago, nii 26% om Malaisia all.

Saarõ pääl om nii 140 mill'onat aastakka vana vihmamõts, kon kasusõq päämädselt katsiksiibvillälidseq. Vihmamõts om üts viimätsit kotussit, kon luudusligult eläseq Borneo orangutaniq, a sääl eläseq viil mitmõq välläkuulmisohon liigiq: Borneo eelevants, Hummogu-Sumatra nõnasarvik, Borneo leopart, Borneo kivikunn jt.