Käsmu

Käsmu (saksa keelen Kasperwiek, Hasterwieck) om külä Õdagu-Viromaal Hal'ala vallan, Käsmu puulsaarõl, Käsmu lahe veeren.

Käsmut om edimält nimmat 1453. aastal ja Käsmu küllä üten 1524. aasta kohtuprotokollin. Aastagil 1884–1931 tüüt' Käsmun merekuul. 2018. aastagal oll' Käsmun 163 elänikku.

Käsmun om esiqsugumanõ, Blatimaiõ kõgõ suurõmb kivestü ja suurõq ijäao kivimüräguq.

Käsmu laht' om olnuq üts' Põh'a-Eesti tähtsämbit laivo talvõpidämise paiko. Edimäne laiv tetti Käsmun 1697. aastagal. 19. aastagasaa tõõsõn poolõn ostõdiq Soomõst edimädseq suurõq pur'olaivaq. 1891. aastagal ehitedi Käsmu tulõtorn. 1926 alost' tüüd OÜ Käsmu Laevaomanikud, mink ala tulliq Eesti kõgõ suurõmbaq kaubalaivaq. Käsmu veeren om meremuusõum'.

2008. aastagast pääle peetäs Käsmun muusigafestivalli Viru Folk. Käsmu om tunnõt suvituspaik