Jumala käe väräht

Läteq: Wikipedia
Mine navigeerimisribale Mine otsikasti
Joonõtus värähtist.

Jumala käsi (hispaania keelen La mano de Dios) om argentina jalgpallimängjä Maradona Diego pant nimi vastaossuisiga värähtile, mink tä esiq 1986. aastaga jalgpalli maailmameistrevõistlusil Inglüsmaa vasta käega lei.

22. piimäkuu pääväl 1986 mängiti Azteca staadionil 114 582 inemise iin maailmameistrevõistluisi veerändfinaali mäng Argentina ja Inglüsmaa vaihõl. As'alõ and' vunki mano tiidmine, et neli päivä inne taad oll' katõ riigi vaihõl naanuq Falklandi sõda.

Edimäne puul'aig es lüvväq üttegi värähtit. Käümän oll' 51. minot', ku Maradona läts' kolmõst inglüse mängjäst müüdä ja and' passi Valdano Jorgelõ. Inglüse kaitsja sai jala vaihõlõ ni pruuvõ palli uma värtevahilõ andaq, et tuu sjoo kätte võtnuq (tuul aol oll' tuu viil lubat). Maradona juusk' trahvikasti palli pääle ni lei inne inglüse värähtivahti Hodge'i Steve'i palli käegaq sisse. Pääkohtunik Bennaceuri Ali näüdäs', et väräht lugõ.

Argentina võit' mängu 2–1 ni ildampa ka maailmamaistrevõistlusõq. Taa väräht valiti riikevaihõlidsõ jalgpalliliido hääletämisel aastasaa kõgõ parõmbas värähtis.

Kaeq viil[toimõndaq | toimõndaq lätteteksti]