Hurdaq

Hurdaq ehk nõstõduq keskkorgõq ülipikäq vabahelüq ommaq võro keele ütte kimmäst sorti vabahelüq ja noilõ umanõ keele helüoppusõ säädus. Hurdaq näütäseq, et pikä keskkorgõ vabahelüga sõnaq muutvaq uma vabahelü korgust (muutusõq korgõmbas), ku naaq ommaq kolmandan pikkusastmõn. Sääntsis sõnnos ommaq näütüses kuul : kooli, süümä : söönüq, üü ja tüü.

Viil üts hää näüdüs om sõna kiil. Nimekäänüssen om seo sõna kiil, a umakäänussen hoobis keele. Kolmandan pikkusastmõn pikk e-helü muutus pikäs i-s. Tõõsõn pikkusastmõn jääs pikk e-helü iks samas. Hurdaq ei rikuq vabahelle kokkokõla säädüst.

Seo helle ja keelesäädüse nimi om sääne selle, et säädüst selet' edimäst kõrda Hurda Jakob, kink nimest tulõgi hurtõ nimi.