Herr eikiäki Putini vasta

Herr eikiäki Putini vasta (inglüse keelen Mr Nobody Against Putin) om 2025. aastaga dokumentaalfilm, mink uhjaja om Borensteini David ja kaassäädjä Talankini Pavel. Seo Taani-Tsehhi-S'aksamaa ütistüün tett film näütäs Talankini tüüd Vinemaa vaesõ kaivandusliina Karabaši koolin Uurali mäki lähkün.

Talankini Pavel "Paša" võtt' filmi üles katõ aastaga seen, ku tä oll' Karabaši kooli filmimiis ja üritüisi kõrraldaja. Ummi opilaisi filmmise kõrval võtt' Talankin üles ka Putini valitsõmisõ sammõ avaligu arvamisõ kontrolmisõs käümänolõva Vinnemaa-Ukraina sõa aigo. Film näütäs, määnest suurt ideoloogilist mõotus- ja ümbremuutmistüüd tege Putini võim Vinnemaa koolõn.

Filmi tegemisega pand' Talankin uma elo ohto. 2024. aastagal, päält tuud, ku politsei naas' timä tegemiisi vasta huvvi tundma, pidi tä Vinnemaalt ärq pagõma ja sai ummi Taani sõpro abiga Euruupa Liidon var’opaiga.