Hakk'

Hakk' om tsirk, kiä kuulus varblaslaisi seldsi varõslaisi sugukunna haki perrekunda.

Ilman om hakkõ 15–45 mill'onit, Eestin 20 000–40 000 paari.

Haki eloala om Õuruupa, Põh'aõdagu-Afriga ja Õdagu-Aasia. Õuruupan ommavaq hakiq kõgõ vähämbäq varõslasõq. Eesti hakiq jääseq hariligult talvõs Eestihe ni ei rändäq.

Hakk' eläs hää meelegaq liinan. Hariligult eläs tä pesändüsen, kon või ollaq mitusada hakki. Sagõhõhe liigusõq hakiq mustõvarõssidõgaq ütenkuun.

Tiidläisi meelest ommavaq hakiq köütväq. Näütüses jagavaq umavaihõl süüki hakiq, kiä olõ-õi sugulasõq. Inemist hakk' pelgä-iq ja tohkõndas rahuligult inemise lähkün. Hakk' om kärmämb ku varõs. Sagõhõhe laugõlõs hakk' tuulõhuu pääl. Õdagu tegeväq hakiq parvõn taivan vigurit.

Hakk' om kasulik tsirk, tä süü pall'o kah'otegijit mutukit.