Õuruupa Liido Kohus

Õuruupa Liido Kohtu märk

Õuruupa Liido Kohus om Õuruupa Liido (ÕL) institutsiuun. Taa luudi 1957. aastagal ja taa kotus om Luksõmburgin.

Timä ülesandõq ommaq:

1. kimmätäq liido õigusõ üttemuudu tõlgõndaminõ ja rakõndaminõ kõigin liikmõsriigen ja
2. kimmätäq, et riigiq ja liido institutsiooniq pidäväq kinniq liido õigusõst.

Õuruupa Liido Kohus jagonõs katõs:

1. Õuruupa Kohus arotas liikmõsriigi kohtu edeotsussit, tühästegemis- ja apellatsioonikaibuisi;
2. Ülene kohus tege otsussit tühästegemiskaibuisi kotsilõ, midä ommaq saatnuq ütsikinemiseq, ettevõtjaq ja mõnõl juhul riigivalitsusõq.

Kohtun om 24 ammõtlikku kiilt.

Õuruupa Kohtun tüütäs üts kohtunik egäst liikmõsriigist ja 11 kohtujuristi. Ületsen kohtun tüütäs 56 kohtunikku (2 kohtunikku egäst riigist). Egä kohtunik ja kohtujurist pandas ammõtihe kuvvõs aastagas. Ammõdiaigu om võimalik pikembäs tetäq. Egän kohtun valivaq kohtuniguq presidendi, kiä om ammõtin kolm aastakka, midä saa ka pikendäq.

Lätteq

Õuruupa Liido institutsiooniq
Õuruupa Parlament – Õuruupa Ülembkogo – Õuruupa Liido Nõvvokogo – Õuruupa Kommisjon – Õuruupa Liido Kohus – Õuruupa Keskpank – Õuruupa Kontrollikoda