Hagège Claude

Hagège Claude (Claude Hagège, sündünüq 1. vahtsõaastakuu pääväl 1936 Tueesian, Karteegon) om prantsusõ keeletiidläne.

Elokäük

Tä om sündünüq ristiusku püürnüide juutõ perren.

Keskharidusõ sai Kartagon Carnot' lütseumin, lõpõt' 1953. aastagal. Sõs 1953–1970 opsõ Prantsusmaa ülikoolõn mitmõsugutsit kiili.

1971. sai sai doktorikraadi Pariisi 5. ülikoolin, nõvvuandja Martinet' André.

Hagege kitsambaq alaq ommaq araabia ja aafriga keeleq, üldine keeletiidüs.

Timä keelehuvvi seletädäs 6-aastadõst pääle – Kartaagon om pall'o rahvit, poiss nakas' kõiki vasta huvvi tundma, küsümä ja kõnõlõma.

Tä tund umbõs viitkümmend kiilt, naidõ siän itaalia, inglüse, araabia, heebreä, vinne, kreeka, ungari, türgü ja jaapani kiilt.

Tä pidä tähtsäs, et kiili olnuq pall'o, et kõnõlõminõ püsüsi tehnoloogilidõn maailman.

Raamadu "Vasta ainumõttõlõ" sisu võtt timä kokku niimuudu:

"Seo raamat om üleskutsõq ainumõttõlõ vasta.

Seo raamat om üleskutsõq vastanakkamisõlõ.

Ku olulist saa ei inämb eristäq tõsõjärgulidsõst

ku põrkasõq suurõlidsõq vaimlidsõq projektiq

suurõ hariligu massiga ja piinüide as'anduisiga,

ku moodus kujunõs standardisiirmine ideeden,

egapääväelon, olõmisõ meeme kasumisõn

sõs valitsõs ainumõtõq.

Inglüse kiil valitsõs maailman ja tiin parla

toetust tollõlõ ainumõttõlõ.

Aga prantsuskiil om ka elon ja terveq. Nisama om pall'o

tõisi terven ilman, kiä pandvaq umma ossa vastaminekis

inemise vaba vaimu pelgüsele"

Tä om vällä andnuq umbõs 20 raamatut.

Kirändüs

L'Homme de paroles : contribution linguistique aux sciences humaines, Paris, Fayard, 1985

Välälingiq

Hagége kodoleht (prantsusõ keelen)